Home Page

ركن أبو العربى

إجعلنا صفحتك الرئيسية أخبر صديق الصفحة الرئيسية
البوماتك | مبوبه | وظائف خالية | بلوج :خدمات
دردشة :مجتمعات
سينما | فنانين | المرأه و الطفل | الصحة | أقوال مأثوره | كورسات | إسلام | تغطيات :قنوات
نكت | ألعاب | فيديو :ترفيه
الأخبار | مصر | السعوديه | الإمارات | الوطن العربى | العالم | اخبار الرياضه | ثقافه و فن | علوم وتكنولوجيا | اقتصاد | متنوعه | اخبار حوادث | اخبار مصر :أخبار
كاريكاتير | نكت مصرية | نكت عربية | ركن أبو العربى | راسل ابو العربي | نكت فقع | نكت عراقيه | نكت شاميه | خداع بصرى | فيديوهات | حكايات مطرقعة | أظرف تعليق | ارسل نكتة | صور روشة | أحلى 20 نكت مصريه | أحلى 20 نكت عربيه | أخطاء صحفيه | فوازير | Daily Jokes | Funny Stories

نكت

نكت - نكت مصرية - نكت عربية - فيديوهات مضحكة - نكته - اجمل النكت

ركن أبو العربى

 

أبو العربى عايش معاكم اون لاين إبعت له و هو هيرد عليك كل مشاكلك كل إللى بيقابلك فى حياتك من محبطات او حاجات مفرحة..  و ياريت تكون مفرحة لأنى خلاص شعرى إبيض ..ماشى ...دوت كوم 

إرسل الآن


إبحث

سعادة أبنتك بيدك لا بيدة

اولا السلام عليكم ازيك عامل ايه يارب تكون بخير بص بقى يا سيدى انا بحب واحد هو جارنا وماما عارفه ومامته كمان احنا بقلنا مع بعض 3 سنين بس هو كان بتحكم فيا بطريقه فظيعه يعنى ماتخرجيش غير لما اقوله وطريقه لبسى كمان فانا بصراحه زهقت من تحكمه بس ماما بتقولى ده بيخاف عليكى مش اكتر المهم سبته وبعد شهرين اللى هوحاليا عايز يرجعلى و انا مش عارفه اعمل ياريت تقولى اعمل ايه ؟

Sasooo 16

<< إقرأ المزيد

يا من يقطف ثمرة القلوب ليس لك عذرا

السلام عليكم ياابو العربى انا صاحبة رسالة التمسى له سبعين عذرا بص ياسيدى مش انا قلتلك انه مش بيرد عليه؟ فضل مايردش ولا حتى يرد على حد من اخواتى وخلى اخوه يتصل باخويا ويقوله معلش مافيش نصيب انا عشت ايام سودا وفى عقلى الف سؤال ليه حاولت انى اكلمه اعرف الاسباب برده مارديش يرد عليه وقالى انه اخد قرار والموضوع انتهى خلاص وقعدت ابعتله رسائل اقول ماما بتعيط انا بموت رد عليه ولا الهوا كاننا كنا اصحاب مش مخطوبين ودخل بيتنا ؟ طبعا انا عيطت كتير وكنت هاموت لحد ما هديت وقلت ده نصيب مين عالم يمكن ربنا شايلى احسن منه وبحاول انساه ومش بقول غير حسبى الله بس برده من جوايا احساس وحش تاعبنى ويأس رهيب وبقول لنفسى خلاص هاعنس يعنى الى خلاه ده يسبنى بعد كل الى عملاناه معاه ومن غير سبب يبقى غيره هايعمل فيه ايه خايفه اوى من بكره ومن نفسى ادعيلىياابو العربى انا عارفه انك طيب مش لو كنت اتجوزتنى زمان لما طلبت منك مش كنت رحمتنى من الى بشوفه ده هههههه صدقنى انت ارحم كتيير من شباب اليومين دول فكر تانى واهى علقه تفوت ولا حد يموت وهنيالك يا كاتب الكتاب كل سنة وانت طيب يااحلى ابو العربى .
M 26

<< إقرأ المزيد

لكل عمر روعته وانطلاقاته لكن !stop

هاى انا بحب واحد اوى اوى وهو كمان بيحبنى بس انا اهلى مش موافقين على العلاقه دى اصلا عشان جت من النت بس بجد انا حاسه انو بيحبنى اوى بس هو كمان يعنى بحبكها اوى فى حكايه المكلمات و النت دى واهلى رفضين ده و مش عارفه اعمل اية
Gehad 16

<< إقرأ المزيد

اطلبي الرحمة من نفسك لنفسك

السلام عليكم اولا هادخل فى الموضوع عشان ما أطولش عليك انا اتودلت فى ظروف صعبه جدا وهى انفصال والدى ووالدتى وتسببت انى عمرى ما شفت والدى وده اثر في شخصيتى جدا المشكله انى حبيت واحد وكانا خلاص هنتخطب بس هو كان بيتعبنى كتير من كتر الخلافات وبعدين انا اخذت قرار انى اسيبه لان ده افضل وفعلا سيبته وبعد شهرين ظهر فى حياتى شخص تانى كلمنى بان عايز يتقدملى بعدين انا طلبت منه احنا ننتظر شويه عشان ناخد اكتر على بعض وعدت الشهور وفعلا اتخطبتله وهو بيحبنى جدا وكالصفات نعم الرجل ومفيش زيه فى الطيبه والحنيه وانا مش عارفه انا حبيته بحس معا بحاجات عمرى ماحستها قبل كده بس للاسف انا دايما بفتكر حبيبى الاولانى وببكى كتير عشانه لانه لما بشوفه نظرته ليا وعينه اللى بتقولى انا بحبك وارجعيلى بتعب اوى وبحس ان دموعى عليه خيانه لخطيبى مع انى بحب خطيبى ومش قادر اتخيل حياتى من غيره انا حسه انى تايهه اوى ومش عارفه اعمل ايه انا عارفه انى طولت عليك بس انا حبيت افضفض مع حد لانى معندش صحاب واخيرا كل سنه وانت طيب
امل 19

<< إقرأ المزيد

هل الفرق بين الصداقة و الحب لوغاريتمات ؟

انا فية واحد حبنى ومن كتر كلامة للناس اللى حواليا عنى حبيتة وهو انسان جميل وقضيت معاة اجمل ايام حياتى بجد بس عمرة ما قلى انة بيحبنى بس قايل لكل العيلة دلوقتى بيقولى كلام حلو جدا بس مش بيقول بحبك بس تصرفاتة بدل على كدا وجالى عريس تحفة بجد وكويس قولتلة الموضوع قاللى طيب دا كويس اوى وافقى رغم انة بيجبلى ورد وبيقولى كلام تحفة مش عارفة اعمل اية اوافق على العريس بس قلبى لسة مع حبيبى مش قادرة انساة بجد بس كرهتة لما قلى وافقى اعمل اية ؟
دودو 19

<< إقرأ المزيد

هل حقا وجودة يساوي حياتك ؟؟

الاول ازيك انا جانا بحب واحد موووت بس هو بيعذبنى كتير اوى معاه وكذة مرة يسيبنى ولما يفكر انة يرجعليى برجعلة ومش قادرة استغنى عنة وكتير اوى قالولى انة مبيحبكيش وابعدى عنة بس انا مش بقدر خالص استحالة ابعدد عنة دة اول حب فى حياتى وهو من عيوبة انة بيعرف بنات كتير وبيفضل يقولى انة ميعرفش حد غيرى بس انا بكون واثقة من انة بيعرف غيرى وهو مبيتصلش بيا خالص غير قليل قوى وانا على طول بتصل واسال واطمن علية ومش عارفة اعمل اية بس ارجوك متقوليش سيبية او ابعدى عنة انا حياتى بتساوى وجودة جنبي
جانا 19

<< إقرأ المزيد

يعني ايه كلمة صديق

انا مشكلتي اني مش عارفه انا عوزه ايه وبحس انه الدنيا ديه غريبه وما تستهلش اني اكون فيها صادق وواضح انا كل صحباتي لما يحتجوني بكون جنبهم وبساعدهم في حل مشاكلهم بس لما احتاج لحد فيهم ما بلاقيش حد فيهم انا خلاص فقدت الثقه بالناس اله حوليه وخاصه بعد تجربه مريت فيها مع موظف كان بيعمل بالجامعه اله انا فيها كانت كل نظراته وكلامه بيدل علي انه معجب فيه بس ما كنيش يحكي شعوره وبعد فتره اكتشفت انه متزوج وعنده بنت حسيت وقتها اني غلط وان الشعور اله جوايه ليه احقر ما يكون وبالوقت مش عارفه اعمل ايه دايما بشوفه وبيفكرني ده بالماضي وتفكيره فيه وهو مش ليه انا خلاص بقيت مش متحمله ادخل الجامعه وهو فيها لانه لحتي الان بيبصلي نفس النظرات وده بيحسسني بضعف احيانا انا مش عاوزه بس بنفس الوقت مش قادره انساه
منار
20

<< إقرأ المزيد

انطلق لساني و زال الخوف من صدري

مرحبا انا عارفه انك مشغول فمشاكل كتيرة اوي وكبييرة ومش عارفه حتفضى عشان ترد على مشكلتي ؟ مابعرف من وين ابدي بس انا مشكلتي ماعندي جرأءه ابدا وخصوصا بكون عاوزة اصااحب بنات شخصياتها حلوة اوي ومابتكونش عندي الجرأء ومع العلم انا عارفة لو صاحبتهم حايرضو ويفرحو بس ابدا ماعنديش الجرأءه مش عارفه ليه لا وكمان في المدرسه اغلب الحاجات الي بحبها بتضيع عليه عشاني بتردد وبعدين بندم بس بعد فوات الاوان ؟؟
lena
14

<< إقرأ المزيد

حبني و بكي و سبقني و اشتكي

انا شاب من طنطا حبيبت بنت علىالنت بس هى كانت اكبر منى بصراحة اناكدبت عليها لما لقيت نفسى مشدودليها كدبت وانا بعترف اهو انى كدبت عليها علشان اكبر فى سنى سنتين علشان مش تسبنى انا حبتها اوى اوى جميلة وبتحبنى وبتخاف عليا اوى تخيل ما كنتش بتنام غير ما تطمنى انى نمت وروحت البيت كنا حلوين اوى مع بعض اتنين بيحبوا بعض اكيد كانت فى خلافات بس عادى يعنى زى اى اتنبن ببيحبوا بعض المشكلة دلوقتى انا بتعذب اوى لانها لما عرفت انى كدبت عليها تعبت اوى وانهارت وهى دلوقتى فى المشتشفى انا مش عارف اعمل اية انا بتعذب فى اللى عملته انا معترف بس خلى بالك انا عملت اوكدبت كدا علشان مش تسبنى علشان احافظ على الحب دة اناعاوز انتقم او اكفر عن الذنب دة منتظر الرد فى اقرب اقرب وقت.
hany
23

<< إقرأ المزيد

انا ام لطفلين

ايه ياعم ابو العربى بعتلك رسايل قبل كده كتير ومردتش عليه انا كنت عاوزه اقولك مشكله بس اتمنى تفهمنى انا ام لطفلين جمال بس المشكله لما بيعملوا اى حاجه تنرفزنى بدربهم على طول وبعد كده اندم على الى عملتوا ويريت استفيد من الندم ده وخصوصا طفلى الصغير اخلاقه صعبه جدا وبيعاند جدا لغايه مخلاص مش عارفه اعمل ايه معاهم اتمنى انك تشوفلى حل.
ل.م
24

<< إقرأ المزيد

هأسمع كلامك على طول

عارف ياابو العربى انا معجبه بيك جدا ومعجبه باسلوبك جدا جدا بص بقا ياسيدى انا مشكلتى كبيره اوى موردتش على حد قولى رايك وهسمع كلامك على طول بص بقا انا حبيت واحد من النت فى كليه علوم وعلى فكره انا حبيته اوى اوى بس انا خايفه جدا من كل حاجه لانى محدش عارف نصيبه فين وانا عندى احساس انه بيحبنى اوى وبخاف عليه اوى لكن المفروض يتقدم بعد مايخلص كليته بس انا بيتقدملى ناس ومش عارفه اعمل ايه وانا بحبه اوى قولى رايك بليز رد عليا بسسسسسرعه
lola
19

<< إقرأ المزيد

التمسي له سبعين عذراً

السلام عليكم ابو العربى انا تعبانه اوى ارجوك ساعدنى لانى كرهت الدنيا وقرفت منها حسه انى عايشه فى غابة وكل ما احب حد الاقى انيابه بتجرحنى انا اتقدملى واحد كويس ارتحتله من اول ما شوفته والموضوع مشى واشترينا الشبكه كمان وقلت الحمد لله ربنا رزقنى بابن الحلال بس هو حس انى بحبه وانى ماقدرش ازعله طب هو ده عيب فيه يعنى؟؟ زعلته بشىء تافه اوى تصور لا بيرد عليه ولا كانه يعرفنى معقوله الناس تبيع بالسهوله ده علشان بس عرف انى غلابنه ومش هاقدر ابعد عنه هو لازم الانسان يعيش قوى فى الدنيا ده ماينفعش انه يرمى حمله على حد ويثق فيه قولى انا غلطانه؟ لازم ابقى قاسيه عن كده ومادلقش على حد ولا خلينى زى ما انا واقول العيب فى الناس مش فيه؟ رد عل
m .
26

<< إقرأ المزيد

 

صفحة النكت الرئيسية

كاريكاتير
نكت مصرية
نكت عربية
ركن أبو العربى
راسل ابو العربي
نكت فقع
نكت عراقيه
نكت شاميه
خداع بصرى
فيديوهات
حكايات مطرقعة
أظرف تعليق
ارسل نكتة
صور روشة
أحلى 20 نكت مصريه
أحلى 20 نكت عربيه
أخطاء صحفيه
فوازير
Daily Jokes
Funny Stories

قائمة التفضيلات

أرسل لصديق
أضف إلى المفضلة لديك
طباعة
سجل نفسك فى ماشى
إتصل بنا
About Us - Terms of Service - Advertise with us - Copyright - Privacy - Jobs - Contact
Copyright © El Motaheda.com 2009. All rights reserved.
Mashy.com is against all forms of violence.
ماشى دوت كوم ضد العنف بكل أنواعه